// a b o u t w o r k .
被 風 追 的 孩 子
去臺灣本來想去花蓮，點知三颱風，焗住轉行程去左宜蘭，避過一劫，據說有旅客濟留在花蓮了好驚險。
臨走前一晚睇新聞，正所謂一不離二，第二個風隨即打到桃園，陸上警報都黎埋，好彩神推鬼ong改左前兩班，當晚D機cancel曬咁濟，8號風球land表示刺激。
隔日番工，個風又好近日本🌝，颱風們我跟你有那麼好嗎～正在沾沾覺得自己避風很有一手，雨都無淋過一滴，可能個風見我跳入黎又跳出去，跳出去又入番黎，搞鳩我唔到，嬲撚左，回程就dun我一dun chok我一chok，個客杯橙汁就瀑瀉左落我隻右腳。
係
成
杯
啊
d
i
u
你
！
正所謂濕撚曬，唔撚驚，當下雖然好想拎起個PA爛粗，但我只係默默感受d橙汁沿住絲襪留過小腿，踩住隻濕到個內籠朗下朗下既橙味鞋番galley。沿途每行一步，d汁就喺嗰鞋墊D窿吥上黎，噗嗞噗嗞，濕濕滑滑，好不咸濕。
啊講開橙味鞋，搞到我一路land一路响個心到唱：不鞋費灰之吹力～力吹費鞋之不灰～灰不吹力鞋之費～費力之吹鞋灰不～不費吹灰之力鞋～
唉聽日仲要著橙味鞋做long haul，好灰既鞋🌚唯有有安慰自己日本上既橙汁係香D既，好似係。
照片攝於三星鄉，宜蘭。
Search